As rutas fluviais da Deputación de Lugona Ribeira Sacra rexistraron durante a Semana Santa unha ocupación de preto do 80%. Entre o luns 14 e o domingo 16 de abril, un total de 2.123 persoas viaxaron nos catamaráns que percorren os ríos Miño e Sil. A Deputada Pilar García Porto valorou positivamente estas cifras, que cualificou de «boísimas», tendo en conta as malas condicións meteorolóxicas que marcaron a Semana Santa, con fortes precipitacións, neve en puntos concretos e unha baixada significativa das temperaturas. Destacou que as rutas fluviais seguen a ser un elemento importante na dinamización económica e social da comarca, e puxo en valor a calidade deste servizo público. Este ano, a Deputación de Lugo mantivo un servizo ininterrompido durante toda a Semana Santa, que se prolongou ata o 20 de abril, e seguirá operando durante os meses de maio e xuño. •
Cargando ...
