A localidade lucense de Quiroga celebrou do 18 ao 20 de abril a súa XLIII Feira do Viño, un dos eventos máis emblemáticos da Ribeira Sacra. A pesar das condicións meteorolóxicas adversas, a feira conseguiu atraer a moitos visitantes que gozaron dunha ampla oferta de viños, gastronomía, música e actividades culturais. O evento contou coa participación de 13 bodegas da zona, entre as que se atopan nomes recoñecidos como Alma das Donas, Algueira ou Rectoral de Amandi. Estes produtores presentaron algúns dos mellores viños da Denominación de Orixe Ribeira Sacra, caracterizados pola súa calidade e o seu sabor inconfundible.
A Feira do Viño de Quiroga converteuse nun escaparate para os viticultores e bodegueros locais, que combinan a tradición vitivinícola coa innovación. A feira, que se celebraba dende os anos 80, tamén representa unha mostra do crecemento do enoturismo na comarca, que atrae cada vez a máis turistas interesados na cultura do viño.
O programa de actividades incluiu catas de espumosos, un concurso de bandas de gaitas e actuacións musicais, como a do grupo local Mario Colomán & The Clocks Band. Ademais, o pregón oficial correu a cargo de Fernando Romay, quen estivo acompañado polo xornalista Carlos Julio González. Afeira rematou cunha alborada a cargo do grupo de gaitas O Recanto e un pasacalles da Banda de Música de Antas de Ulla.
Este evento non só é un reflexo do esforzo dos viticultores, senón tamén unha aposta polo desenvolvemento rural e cultural da comarca.
MOITAS CARAS COÑECIDAS DEIXÁRONSE VER DURANTE A FEIRA DO VIÑO DE QUIROGA
Moitas foron as caras coñecidas que se deixaron ver pola Feira do Viño de Quiroga da pasada fin de semana, numerosos alcaldes e deputados da Ribeira Sacra tanto no Parlamento como na Deputación de Lugo, o delegado da Xunta en Lugo, e ata a líder do BNG Ana Pontón achegouse á vila de Quiroga.
Cargando ...
