Chantada vén de converterse no primeiro concello da Ribeira Sacra en obter a certificación de Municipio Starlight, outorgada pola Fundación Starlight pola calidade do seu ceo nocturno e o seu compromiso co turismo sostible. O concello, de 177 km² e baixa contaminación lumínica, súmase así á rede de localidades que promoven o astroturismo.
As medicións realizadas no Monte do Faro e en Amedo permitiron superar os requisitos para o recoñecemento, que o sitúa como o terceiro galego certificado, xunto con Muras e Lalín. O Concello prevé impulsar actividades astronómicas, crear miradoiros estelares e formar monitores especializados, coa intención de atraer visitantes e dinamizar o territorio con propostas sostibles vencelladas ao ceo.•
Cargando ...
