Turismo de Galicia puxo en marcha cinco famtrips co obxectivo de amosar as rutas do viño da comunidade a influencers e creadores de contido. Estas viaxes, realizadas en abril, coinciden coa promoción das experiencias da Primavera de Portas Abertas, que en maio estarán dispoñibles ao público. A iniciativa arrincou en Rías Baixas e Ribeiro, continuou en Monterrei e prosegue esta fin de semana na Ribeira Sacra, onde participan @petiscosgalegos ou @galicia.angibaldrich. . O aloxamento será no hotel Mogay, percorrerán a adega Finca Míllara e degustarán os menús dos restaurantes A Faragulla e A Taranxela. Mediante este tipo de iniciativas, Turismo de Galicia quere achegar distintas propostas diferenciais a profesionais das redes sociais destacadas polo seu papel activo nas recomendacións de ocio e gastronomía.•
Cargando ...
