O Gimnasio Neka acadou un resultado histórico no Campionato de Europa de Taekuondo, celebrado en Tallín (Estonia) ao coroar a seis dos seus deportistas como campións continentais. Este éxito foi posible grazas á participación destacada de mozos taekuondistas monfortinos, que seguiron brillando nas súas respectivas modalidades e categorías.
O trío formado por Álex Camba, Marco García e Carlos Rey lograron a medalla de ouro por terceira vez consecutiva, un feito inédito no deporte, que coloca ao Neka na historia do taekuondo europeo. Esta gesta na categoría de trío non ten precedentes, e os tres deportistas ofreceron unha exhibición impecable sobre o tapiz, demostrando a súa calidade e preparación. Un reconocemente merece tamén o director deportivo do club, José María Vega, que está a levar aos seus pupilos a cotas inimaxinables.
Laura Álvarez e Dani Areán, outra das parellas máis destacadas do club, tamén sumaron á súa colleita o metal de ouro na modalidade de parellas, tras superaren a forte competencia. A súa vitoria, xunto á de Camba, García e Rey, evidenciou a forza do Neka dentro do panorama europeo. Pola súa banda, Aitor Teijeiro, que formou parte dun trío con Mateo Fernández e Hugo Arnoso, tamén se proclamou campión, engadindo outra medalla á colleita de éxitos do equipo monfortino. Non obstante, a parella formada por Aitor Teijeiro e Lucía Roca non puido avanzar máis aló da primeira ronda, quedando eliminados por unha selección británica que posteriormente se coronou campiona.
Este resultado non só reflicte a calidade individual de cada un dos taekuondistas, senón tamén o traballo en equipo e a constante mellora do club, que conta cunha longa traxectoria de máis de 30 anos de dedicación ao taekuondo.
A gesta conseguida en Tallín deixa claro que, a pesar das dificultades, o Neka segue sendo un referente do taekuondo. Con estes resultados, a selección española reafirma a súa posición como unha das potencias mundiais na disciplina, e o club monfortino continúa demostrando que o traballo ben feito ten a súa recompensa.•
Cargando ...
