Durante este mes de maio, organiza viaxes de familiarización con axentes de viaxes de Alemaña e con xornalistas especializados canadenses e austríacos e influencers chineses
Turismo de Galicia está a intensificar a promoción do destino cunha axenda internacional que abrangue feiras profesionais e visitas de axentes e comunicadores especializados. Esta fin de semana, participa en Expovacaciones, no Bilbao Exhibition Centre de Barakaldo, onde presenta a oferta turística galega nun stand de 100 metros cadrados, con especial atención aos Camiños de Santiago, a natureza, a gastronomía e a artesanía, representada nesta edición por Cristina Velasco Mora.
A finais de maio, a Xunta estará presente tamén na ITB China, en Shanghai, considerada unha das principais feiras de turismo de Asia. Turismo de Galicia acudirá cun módulo dentro do espazo de Turespaña e manterá encontros con profesionais do sector a través da plataforma oficial da feira.
Xunto a estas accións, neste mes están a desenvolverse varias viaxes de familiarización. Axentes alemáns percorren estes días Santiago, Rías Baixas e Ribeira Sacra. Xornalistas canadenses e austríacos xa visitaron Galicia, mentres que o país tamén participa esta fin de semana no evento Piknik Nad Odra, en Polonia.•
Cargando ...
