O obradoiro dual de emprego Serra do Faro IX, que promove o Concello de Chantada xunto cos de Carballedo e Taboada, avanza na creación dunha área recreativa no barrio de Marín. O módulo de xardinaría acondiciona un espazo de 4.500 m² situado tras o colexio e o instituto, onde se instalarán sendeiros, árbores, céspede, mobiliario urbano, zonas de merendeiros e equipamentos deportivos.
Acondicionouse a zona limpándoa de silveiras e retirando escombros e árbores caídas. Segundo o alcalde, Manuel Lorenzo Varela, o obxectivo é conectar esta zona co paseo fluvial e facilitar espazos de lecer para a veciñanza e os centros educativos. Tamén se acometeron melloras no paseo do río Asma, con retirada de árbores secas e reposición de especies. •
Cargando ...
