Provivienda puxo en marcha unha campaña solidaria de recollida de bicicletas en desuso en Monforte de Lemos, coa colaboración da Escola de Ciclismo Ribeira Sacra, o Clube Ciclista Monforte, o Club Ciclista Torre San Vicente e o taller BiciRacing. A iniciativa pretende dar unha segunda vida a bicicletas que xa non se utilizan, co obxectivo de doalas a persoas que as precisen como medio de transporte ou lecer.
A acción busca promover a mobilidade sostible e contribuír á integración social de persoas con dificultades de acceso a medios de transporte propios. As bicicletas recollidas serán revisadas e reparadas polo equipo do taller BiciRacing, que colaborará de forma voluntaria para garantir o seu correcto funcionamento. Unha vez postas a punto, Provivienda encargarase da súa entrega aos destinatarios.
As persoas interesadas en colaborar poden doar bicicletas que xa non empreguen e que poidan ser útiles para outras persoas. Para facer a entrega ou solicitar máis información, están dispoñibles os teléfonos 671 473 982 e 671 941 076. A organización anima á veciñanza de Monforte e arredores a sumarse a esta campaña de solidariedade e apoio á mobilidade sustentable.•
Cargando ...
