O BNG de Pantón rexistrou a pasada semana unha solicitude ante o concello para que o alcalde habilite unha praza de estacionamento no CEIP Monte Baliño, en resposta á petición dunha nai cun fillo con problemas de mobilidade. A formación nacionalista lamenta a actitude do rexedor, que segundo relatan respondeu: “Xa se vos puxo un columpio e non estades nin empadroados”. Para a portavoz do BNG, Rosa-Ana Prieto, trátase dunha “afirmación que vulnera a lei de protección de datos”. O BNG pide ao goberno local que actúe con dilixencia e “bo trato”, lembrando que “cumprir a lei non é unha escolla, sobre todo en quen representa unha institución pública”. A situación xurdiu tras reiteradas dificultades para estacionar nas inmediacións do centro.•
Cargando ...
