A Ruta dos Viños da Ribeira Sacra acolleu entre o 23 e o 25 de maio unha nova edición da Primavera de Portas Abertas, promovida por Turismo de Galicia. Durante a fin de semana, 13 adegas abriron as súas portas para ofrecer catas comentadas, visitas guiadas e actividades culturais. O programa incluíu os Buses do Viño, con saídas desde Lugo, Ourense, A Coruña, Vigo e Santiago, que permitiron aos asistentes coñecer o territorio acompañados por guías. Entre as propostas destacaron as visitas teatralizadas ao casco vello de Chantada e á Torre da Homenaxe de Monforte, así como o concerto do Gabi Triana Quintet nos Chancís, en Sober. Tamén se organizaron percorridos en barca polo Miño, rutas polo Camiño de Inverno, itinerarios por igrexas románicas e visitas a museos como o Ecomuseo de Arxeriz, o Museo Etnográfico de Quiroga e o Centro do Viño da Ribeira Sacra.•
Cargando ...
