A Xunta de Goberno da Deputación de Lugo aprobou a convocatoria da sexta edición dos premios á excelencia do turismo e da gastronomía, uns galardóns impulsados polo Consello Provincial de Turismo. As categorías mantéñense: Premio Lugo Cambia ao Turismo Lucense, Premio Turismo Sostible e Premio …E para comer, Lugo á Gastronomía Lucense.
Segundo explicou a deputada Pilar García Porto, trátase “dunha medida máis para apoiar, poñer en valor e visibilizar o traballo e a calidade do sector turístico e hostaleiro da provincia”.
Poderán presentarse persoas físicas ou xurídicas, entidades públicas ou privadas, asociacións e colectivos sen ánimo de lucro que teñan unha repercusión positiva no turismo ou na gastronomía da provincia. O xurado estará formado por representantes do Consello Provincial de Turismo e poderá conceder accésits. A entrega dos premios terá lugar a finais de setembro.•
Cargando ...
