O Concello de Sarria celebrou esta semana o Día da Patroa da Policía Local cun acto institucional no que se puxo en valor o traballo do corpo ao longo do ano. A xornada serviu para recoñecer a dedicación dos axentes e, en especial, para homenaxear a cinco efectivos que cumpren 25 anos de servizo.
Durante o acto, o concelleiro de Seguridade, Félix Seijas, destacou o compromiso da Policía Local coa veciñanza e a súa profesionalidade na xestión diaria da seguridade. Subliñou tamén o papel fundamental que desempeñan no acompañamento e atención aos milleiros de peregrinos que cada ano atravesan a vila, considerada unha das principais portas de entrada ao Camiño de Santiago.
A celebración incluíu a entrega de distincións aos axentes veteranos e unha mención ao esforzo do corpo por adaptarse aos novos retos. Neste sentido, o Concello reafirmou o seu compromiso por dotar á Policía Local dos medios necesarios, como o novo sistema de videovixilancia, co obxectivo de avanzar cara a unha seguridade máis eficiente.
Desde o goberno local co seu alcalde Claudio Garrido á cabeza, trasladouse o agradecemento a todo o persoal pola súa implicación diaria e polo labor que desenvolven para facer de Sarria un lugar máis seguro e acolledor.•
Cargando ...
