A Asociación Veciñal do Saviñao esixe a limpeza dos solares urbanos de Escairón

A Asociación Veciñal do Saviñao, presidida por Celia Ferreiro, remitíuse á Alcaldía para instar á limpeza dos solares urbanos de Escairón que lindan con vivendas, onde a maleza acumulada representa un risco claro. Segundo explican desde o colectivo, un veciño presentou até tres peticións ao Concello sen obter resposta, o que motivou esta iniciativa colectiva.
A asociación recorda a obriga establecida na lei autonómica 3/2007 de prevención e defensa contra os incendios e na correspondente ordenanza municipal, que obriga ás persoas propietarias a manter despexadas as súas parcelas. Ademais, reclaman que, de non proceder ao aviso, o goberno local aplique o artigo 22.3 da norma, que permite realizar a roza de oficio e repercutir o custo aos titulares.
A presidenta suliña que estas accións non só evitan perigos, senón que tamén melloran a imaxe urbana e a convivencia veciñal. Agardan que o Concello actúe con para garantir a seguridade e cumprir a lexislación vixente, en beneficio da poboación.•