A Deputación de Lugo iniciou esta semana as obras de acondicionamento na estrada LU-P-4106, que une O Carme e O Curro, no concello de Pantón. O investimento achegado supera os 79.000 euros e contempla a reparación do firme desde o quilómetro 0 ata o 6,55. Os traballos inclúen a limpeza de cunetas, corrección de afundimentos e repavimentación, cun prazo previsto de dous meses. Esta vía é vital para a conexión das parroquias e o acceso a zonas turísticas locais. Ademais, está previsto mellorar tamén a estrada LU-P-4107, entre Segade e Marce, cun orzamento de 100.000 euros. •
Cargando ...
