Entre o 26 e o 29 de xuño, a Ribeira Sacra converterase no epicentro da creatividade e do emprendemento cultural coa celebración do Encontro Nacional de Emprendedores Creativos. A iniciativa, impulsada pola Asociación España Creativa e a RECITCREA, enmárcase no proxecto Camiño Creativo de Santiago 2025 e conta co apoio do Ministerio de Cultura, da Xunta de Galicia, da Deputación de Lugo e dos concellos de Monforte e Sober, así como co patrocinio de Red Eléctrica.
O evento ten como obxectivo consolidar a cultura e a creatividade como eixes de transformación territorial, especialmente en contornas rurais con alto valor patrimonial e paisaxístico. A programación comezará o xoves 26 pola tarde en Cadeiras, e incluirá durante foros de diálogo, mesas redondas, actividades formativas, visitas culturais e unha gala final.
O venres 27 e o sábado 28, o Parador de Turismo de Monforte acollerá os cinco foros principais, nos que se abordarán temas como o financiamento da cultura, a cooperación institucional, o turismo creativo e os modelos sostibles de negocio cultural.
O domingo, o protagonismo será para o territorio: haberá visitas a adegas, unha ruta polo románico e un percorrido en catamarán. Nese marco tamén se presentarán os 12 proxectos finalistas que optan aos Premios España Creativa – Red Eléctrica, dotados con máis de 17.000 €. “A cultura é motor de cohesión, innovación e futuro”, destacan desde a organización.•
Cargando ...
