O pasado venres, 13 de xuño, Chantada acolleu dúas destacadas actividades culturais. Ás 19:00h inaugurouse na Casa da Cultura a exposición “Fuera de serie” da artista Crystilandia, que presenta a “mulleres surrealistas que buscan a plenitude rodeadas de naturezas vivas e fetiches; mulleres intuitivas e salvaxes, que adoran ás forzas da natureza, onde acadan o equilibrio; mulleres cheas de desexo de empoderamento, ou mulleres empoderaras cheas de desexo…”. Unha hora despois, a Biblioteca Pública “Xoán de Requeixo” acolleu a presentación da nova edición de Apuntes para la historia de Chantada, de Manuel Formoso Lamas. A obra conmemora os 120 anos da súa primeira publicación e os 175 do nacemento do autor. O acto contou con ilustracións de artistas locais e música en directo a cargo de André Espiñeira.•
Cargando ...
