A Pobra do Brollón acolleu este luns unha reunión da xunta reitora da Academia Galega de Gastronomía (AGG), entidade dedicada á promoción das artes culinarias de Galicia. Tras o encontro, os membros da AGG realizaron unha visita guiada ás adegas medievais da Abelaira, en Vilachá de Salvadur, onde tiveron ocasión de xantar e degustar viños da Denominación de Orixe Ribeira Sacra. O alcalde, Xosé Lois Maceda, agradeceu a presenza da Academia e puxo en valor “a gastronomía como elemento fundamental do noso patrimonio, que debemos protexer e promover”. A visita enmárcase nas accións de divulgación e coñecemento que a AGG realiza por todo o territorio galego.•
(Foto GPCAPB)
Cargando ...
