A CIG-Saúde vén de advertir que o Plan de Cobertura da Atención Primaria no Verán aprobado pola Xunta repite “medidas xa experimentadas” e sen eficacia probada, deixando sen resolver os problemas estruturais de cobertura, especialmente graves en áreas como Monforte. A central critica que a Consellaría de Sanidade volva insistir en incentivar economicamente o traballo fóra da xornada ordinaria para cubrir ausencias nos PAC, unha estratexia que cualifican de “facer máis con menos”.
No caso concreto de Monforte, a CIG denuncia o abandono do seu Punto de Atención Continuada. Lembran que para dentro de dous anos está previsto o Plan Director para Urxencias, Radioloxía e o propio PAC, e acusan á Dirección de Atención Primaria de Lugo de investir o mínimo mentres tanto. “Así non se garante unha cobertura asistencial axeitada nin no verán nin o resto do ano”, afirman.
O sindicato tamén critica a proposta de que o persoal residente substitúa profesionais ausentes nos centros de saúde, PAC e urxencias durante o verán, medida xa aplicada en 2024. Cualifican esta fórmula de “falta de planificación” e reclaman que se analicen as causas reais da falta de cobertura e se impulsen incentivos específicos.
Ademais, persoal do Hospital de Monforte participou recentemente nas concentracións organizadas en toda Galicia para rotestar pola negativa do Ministerio de Sanidade a vincular a nova clasificación profesional cunha actualización salarial. A CIG-Saúde considera esta decisión “un insulto” e reclama unha retribución xusta, recoñecemento do dereito á xubilación anticipada e respecto polaprotestar pola negativa do Ministerio de Sanidade a vincular a nova clasificación profesional cunha actualización salarial. A CIG-Saúde considera esta decisión “un insulto” e reclama unha retribución xusta, recoñecemento do dereito á xubilación anticipada e respecto pola sanidade pública e o seu persoal. •
Cargando ...
