O Concello de Chantada pon en marcha unha nova edición do Verán Cultural, que se desenvolverá entre o 2 de xullo e o 30 de agosto. A programación inclúe máis de vinte actividades pensadas para todos os públicos, con espectáculos de maxia, teatro, música, cine ao aire libre, clown e propostas infantís. A maior parte das actuacións terán lugar na Praza do Cantón, aínda que tamén se utilizarán outros espazos como a rúa Xoán XXIII ou a Praza de Galicia. Entre os eventos destacados figuran a Semana do Teatro, o Cine no Cantón e as Festas Patronais na honra á Virxe do Carme, que se celebrarán do 21 ao 26 de agosto. O alcalde, Manuel Lorenzo Varela, subliña que “nos meses de verán recibimos a numerosos visitantes que chegan atraídos polas paisaxes e os recursos de lecer. Esta programación ofrece alternativas culturais para veciñanza e visitantes, mantendo citas tradicionais e incorporando novas propostas”. O calendario podería ampliarse con novas actividades nas vindeiras semanas.•
Cargando ...
