Arredor de dúascentas persoas secundaron este luns en Monforte a convocatoria da organización Mar de Lumes en solidariedade co pobo palestino. A concentración, celebrada na Praza de España, enmarcouse nunha acción simultánea desenvolvida en máis de trinta localidades galegas en apoio á Marcha a Gaza.
Durante o acto, as persoas participantes portaron pancartas, gardaron silencios en lembranza das vítimas e deron lectura a comunicados que denunciaban a situación da poboación civil na Franxa de Gaza.
Con esta mobilización, moitos galegos quixeron sumarse á chamada internacional para esixir o fin do bloqueo ao paso de Rafah e facilitar o acceso da axuda humanitaria.
Desde Mar de Lumes subliñaron a necesidade de “continuar mobilizadas e organizadas” ante o que consideran unha grave violación do dereito internacional e da dignidade humana por parte do Estado de Israel.•
Cargando ...
