Monforte súmase á loita contra a ELA cunha marcha solidaria

Monforte converteuse esta semana no epicentro da loita contra a Esclerose Lateral Amiotrófica (ELA) en Galicia. O pasado 22 de xuño, centos de persoas participaron na marcha solidaria organizada pola Asociación Galega de Esclerose Lateral Amiotrófica (Agaela) con motivo do Día Mundial da ELA. A cita serviu para render homenaxe ao monfortino Germán Macía, falecido pola no ano 2017, e para dar visibilidade ás demandas dos afectados.
A marcha percorreu uns 2,5 quilómetros por varias rúas da cidade, rematou cunha actuación da Escola de Baile Ritmo Lg+ e un sorteo de agasallos. Ao acto sumáronse numerosos veciños e representantes institucionais, entre eles o director xeral de Maiores e Atención Sociosanitaria, Antón Acevedo, quen destacou “o traballo das entidades sociais que loitan polos dereitos das persoas con ELA”.
Durante a súa intervención, o alcalde de Monforte, José Tomé Roca, fixo fincapé na dureza desta enfermidade, que provoca unha perda progresiva da mobilidade mentres as capacidades cognitivas se manteñen intactas. “Vivín de preto o caso de Germán Macía, e quero recoñecer a loita da súa familia e de todas as que atravesan esta situación”, afirmou.•