O Concello de Chantada vén de abrir o prazo de inscrición para o II Concurso de Embelecemento de Fachadas e Balcóns, unha iniciativa da Concellaría de Parques e Xardíns que pretende fomentar o coidado dos espazos privados visibles desde a rúa, tanto na vila como no rural. O certame, publicado no BOP este martes 24 de xuño, busca reforzar a imaxe do municipio e promover a participación cidadá na mellora do entorno.
As persoas interesadas poden anotarse ata o 10 de xullo no rexistro municipal. Os espazos decorados deberán permanecer visibles entre o 14 de xullo e o 15 de setembro. Establécense catro categorías, divididas entre zona urbana e rural, cun total de 12 premios que suman 2.400 euros.
“O obxectivo é seguir mellorando a estética do municipio coa implicación directa da veciñanza”, sinala o alcalde, Manuel Lorenzo Varela, quen anima á participación destacando que “estas datas de verán son ideais para lucir fachadas e balcóns”.
O xurado valorará aspectos como a creatividade, o uso de materiais reutilizados, o colorido ou a calidade ornamental das composicións.•
Cargando ...
