O Concello de Quiroga organiza un novo roteiro da ruta “Quiroga, territorio literario”, nesta ocasión dedicado a Uxío Novoneyra. A cita será o venres 18 de xullo, entre as 10:00 e as 14:30 horas, e centrará o percorrido nos arredores da Praza Maior. A organización facilitará un autobús para o traslado desde o centro urbano ata A Veiguiña e o Hospital, aínda que o desprazamento será a pé só dentro do núcleo de Quiroga.
O acto incluirá a presentación da estela dedicada ao poeta do Courel diante do bar “El Derroche”, lugar de referencia para Novoneyra. A actividade contará coa participación da súa familia, estará conducida pola escritora Celia Díaz e contará coa música en directo de Xavier Blanco.
A ruta forma parte da programación estival e está integrada na Asociación RELIGA. As persoas interesadas deben inscribirse antes do 17 de xullo.•
Cargando ...
