Sarria será unha das oito localidades da provincia que participarán na cuarta edición do Ciclo Mestre Mateo, unha iniciativa da Academia Galega do Audiovisual coa colaboración da Deputación de Lugo. O programa arrincará o 2 de xullo en Meira e levará ás vilas sen salas comerciais unha selección de longametraxes e documentais finalistas dos XXIII Premios Mestre Mateo.
A deputada de Cultura, Iria Castro, salientou que o obxectivo é “garantir que toda a cidadanía, viva onde viva, teña acceso á cultura e ao audiovisual galego”. A presidenta da Academia, Lucía Veiga, puxo en valor a diversidade da programación e a necesidade de “facilitar o acceso ao cinema galego nas localidades sen salas”.
En Sarria, as proxeccións realizaranse en espazos culturais do municipio e forman parte dunha rede que busca consolidarse ano tras ano.•
Cargando ...
