O alcalde de Sarria, Claudio Garrido, acompañado do concelleiro de Deportes, Félix Seijas, e da voceira do Grupo Municipal do PP, Carmen José López, reuniuse coa delegación territorial da Xunta en Lugo, representada por Javier Arias, para estudar a mellora inmediata do Estadio da Ribela. Esta reunión responde ás demandas da Sarriana logo do seu ascenso á Segunda RFEF, o que obriga a adaptar as instalacións para cumprir os requisitos federativos. Entre as actuacións previstas, destaca a substitución do céspede artificial por un de última xeración ou a instalación de herba natural, obrigatoria para os encontros oficiais. Tamén se renovará a iluminación para incrementar a potencia e garantir a correcta emisión televisiva dos partidos. Ademais, o terreo de xogo ampliará as súas dimensións ata chegar á grada, eliminando a pista que actualmente separa o campo dos asentos. Para cumprir co aforo mínimo da categoría, colocarase unha grada supletoria, aumentando así a capacidade para acoller aos afeccionados que se espera nunha liga con máis repercusión. O alcalde amosou confianza no entendemento entre as administracións para concretar en breve as obras necesarias.•
Cargando ...
