A Comisión Executiva Provincial do PSdeG-PSOE de Lugo celebrou este martes unha nova reunión de traballo na sede do partido na capital lucense. O encontro, presidido polo secretario xeral provincial, José Tomé Roca, enmárcase na dinámica impulsada pola dirección socialista para fortalecer a estrutura organizativa e intensificar a acción política no conxunto da provincia.
Durante a sesión, que se desenvolveu a partir das oito da tarde, analizáronse as accións emprendidas nos últimos meses e debatéronse as próximas iniciativas a poñer en marcha. A dirección provincial incidiu na necesidade de manter unha coordinación fluída entre as diferentes agrupacións locais, co obxectivo de consolidar un partido conectado co territorio e atento ás demandas da cidadanía.
Segundo trasladaron fontes da Executiva, un dos puntos centrais da reunión foi o reforzo da participación das agrupacións e dos equipos de traballo comarcais, considerados elementos clave no funcionamento interno e na capacidade de mobilización do partido. “Son o motor da nosa organización e desempeñan un papel fundamental para estar presentes en todos os ámbitos da vida social e institucional da provincia”, sinalaron.
Ademais, José Tomé aproveitou a sesión para informar aos membros da Executiva dos principais temas abordados no último Comité Federal do PSOE, celebrado o sábado 5 de xullo, entre os que destacou o papel dos socialistas galegos no novo ciclo político estatal.
Con esta xuntanza, o PSdeG de Lugo reitera a súa aposta por un modelo de partido activo, estruturado e en diálogo permanente coa sociedade, cunha planificación estratéxica que orientará as accións dos vindeiros meses.•
Cargando ...
