O Mosteiro de Santo Estevo de Ribas de Sil, en Nogueira de Ramuín, acolleu a presentación oficial do proxecto turístico e cultural O camiño do monxe, unha nova proposta de sendeirismo que aspira a consolidarse como referente no interior galego. O acto contou coa participación do promotor da iniciativa, Javier Pintos; da responsable de comunicación, Lorena González; e do alcalde de Nogueira de Ramuín e vicepresidente do Consorcio de Turismo da Ribeira Sacra, Julio Temes Pereira, ademais de varios rexedores dos concellos polos que discorre a ruta.
Durante a presentación, entregáronse ao INORDE os novos mapas editados pola editorial Alpina. O percorrido consta de sete etapas de entre 19 e 22 quilómetros, e discorre por camiños e pistas de terra ben conservados. A dificultade é moderada e o traxecto, de carácter circular, permite aos camiñantes achegarse a algúns dos enclaves máis significativos da Ribeira Sacra, combinando patrimonio natural, etnográfico, histórico e artístico.
A ruta inclúe mosteiros como Santa Cristina de Ribas de Sil, San Pedro de Rocas ou Santo Estevo, castelos como o de Castro Caldelas, e paisaxes emblemáticos como as pasarelas do río Mao ou os miradoiros do Sil. Segundo destacou Javier Pintos, “esta proposta permite mergullarse na alma da Ribeira Sacra a través dos seus camiños, historia e cultura”. •
Cargando ...
