O Concello de Sober impulsa este verán a creatividade e o talento novo mediante a convocatoria de tres Bolsas Culturais Internacionais ‘Pintor de Castinandi’. As persoas seleccionadas participarán de balde no Taller de Verán de fotografía que organiza La Plantación, do 27 de xullo ao 1 de agosto na Casa Grande de Rosende. A formación será dirixida polo prestixioso fotógrafo David Jiménez e desenvolverase nun formato intensivo, baseado na reflexión e no intercambio de ideas arredor da linguaxe visual. O curso “Os labirintos da imaxe” propón pensar o mundo a través da fotografía, combinando a teoría coa práctica nun ambiente de inmersión creativa e convivencia artística.•
Cargando ...
