O pavillón do colexio Eloísa Rivadulla acolleu este domingo a segunda edición da Festa Interxeracional organizada polo Concello de Chantada, que congregou arredor de 600 persoas, practicamente o dobre que na primeira edición. O encontro, pensado para dar a benvida ao verán, contou coa presenza do alcalde, Manuel Lorenzo Varela, e da concelleira de Servizos Sociais, María Cándida Carnero, entre outros representantes municipais.
A xornada iniciouse cunha misa solemne ás 13:00 horas, seguida dun cóctel de benvida, un xantar popular e unha sesión de baile a cargo do Dúo Élite. Durante a festa sorteáronse agasallos doados por máis de vinte empresas e entidades colaboradoras. O alcalde agradeceu a implicación do persoal municipal e do centro escolar e valorou positivamente a acollida da iniciativa.•
Cargando ...
