O Diario Oficial de Galicia publicou esta semana a resolución das axudas para a colleita en verde da viña, unha medida coa que se busca reducir a produción de uva antes da súa maduración para evitar excedentes e estabilizar o mercado. A Consellería do Medio Rural promoveu esta iniciativa tras a petición dos Consellos Reguladores da Ribeira Sacra e do Ribeiro, que alertaron da acumulación de viño tinto sen saída comercial debido á caída do consumo a nivel internacional.
A medida diríxese a viticultores que destinen os seus viñedos á produción de uva para vinificación e que cumpran a normativa vixente sobre plantacións. En total, seis expedientes resultaron beneficiarios, con achegas que suman 63.477,79 euros. As accións subvencionadas inclúen a vendima manual de acios antes da súa maduración, co obxectivo de reducir o rendemento das parcelas.
Segundo recolle a resolución publicada, a execución desta colleita en verde deberá realizarse como data límite o vindeiro 15 de xullo.•
Cargando ...
