O conselleiro de Emprego, Comercio e Emigración, José González, participou na clausura da XXXVII asemblea xeral ordinaria da Asociación Galega de Cooperativas Agroalimentarias onde destacou o papel clave que xoga esta entidade no cooperativismo galego. Segundo apuntou, as cooperativas agroalimentarias facturan 2.400 millóns de euros, o que representa máis do 70 % do total do sector.
Durante o acto, no que tamén estivo presente a directora xeral de Traballo Autónomo e Economía Social, Marta Mariño, o conselleiro subliñou que o cooperativismo galego alcanzou en 2024 unha facturación global superior aos 3.500 millóns, o 5,1 % do PIB, con máis de 78.000 persoas implicadas.
Tamén fixo referencia á nova Lei de Cooperativas e á Estratexia galega de economía social 2023-2027, coa que a Xunta aspira a crear 4.000 empregos e 400 entidades, e destacou accións como a Rede Eusumo, os premios ao cooperativismo ou a colaboración con ForoEsGal.•
Cargando ...
