Chantada e O Saviñao foron distinguida esta semana coa categoría de ouro na iniciativa galega Praias sen Fume, promovida pola Dirección Xeral de Saúde Pública. O recoñecemento foi entregado nun acto celebrado en Ponteareas, no que se destacou o compromiso de 85 concellos da comunidade na loita contra o consumo de tabaco en espazos públicos.
100% LIBRES DE FUME
A distinción outórgase aos municipios que declaran o 100 % dos seus areais como zonas libres de fume, e Chantada e O Saviñao figuran entre os dez da provincia de Lugo que acadaron este nivel. O conselleiro de Sanidade, Antonio Gómez Caamaño, subliñou que “crear contornas saudables e limpas é unha mensaxe clara de que vivir sen tabaco é posible”.
A iniciativa, que comezou en 2016 con 19 concellos, suma xa 249 praias e inclúe tamén portos e parques. Desde Sanidade insisten na importancia de protexer á mocidade fronte ás novas formas de consumo, como os vapeadores, e anuncian a próxima aprobación da Lei de protección da saúde de menores e prevención das condutas adictivas.•
Cargando ...
