O Proxecto 3Cumios, impulsado polos alpinistas José Manuel Prieto, de Monforte, Tomás Porto, de Pantón e Manuel Vieitez de Sober, partiu o pasado 15 de xullo rumbo ao Perú co obxectivo de ascender ao Huascarán, a montaña máis alta do país e a cuarta fóra do Himalaia. A iniciativa, apoiada pola Vicepresidencia da Deputación de Lugo e pola Xunta de Galicia, combina o reto deportivo coa promoción da Ribeira Sacra e a solidariedade. Parte do orzamento recadado destinarase á compra de material deportivo para escolas de comunidades locais desfavorecidas.
Os deportistas, formados no Club de Montaña Buxán, tamén ascenderán ao Nevado Pisco como parte da aclimatación. A expedición pode seguirse en directo a través da web oficial. Ademais, nos primeiros meses do curso escolar, compartirán a súa experiencia en centros educativos da provincia. A Xunta destaca o carácter “ambicioso e inspirador” do proxecto, que busca visibilizar o alpinismo como ferramenta de superación e compromiso.•
Cargando ...
