O sábado 12 de xullo, a Praza de España de Monforte de Lemos acolleu unha concentración convocada pola plataforma paralaguerra.es baixo o lema “Pola Paz, polo fin do xenocidio”. O acto contou coa presenza do alcalde, José Tomé Roca, e de varios membros do equipo de goberno local, entre eles Gloria Prada, José Luis Losada, Regina López e Margarita López.
A mobilización, que se celebrou simultaneamente noutras cidades, apelou á cidadanía a manifestarse sen distincións ideolóxicas nin relixiosas, en defensa dunha paz xusta e do cesamento definitivo do fogo. No manifesto lido durante o acto, destacouse que “a guerra non nos é indiferente, porque é un gran monstro que pisotea toda a pobre inocencia da xente”.
UNHA CRISE HUMANITARIA
A plataforma advertiu da gravidade da situación humanitaria, especialmente para a infancia, e instou á sociedade a transformar a indignación en accións pacíficas e solidarias. A concentración en Monforte sumouse así a un clamor global polo fin da violencia e a protección dos dereitos humanos.•
Cargando ...
