O presidente da Deputación de Ourense reuniuse co titular do Consorcio de Turismo da Ribeira Sacra para abordar o Plan de Mobilidade Sostible que se prevé implantar a partir de 2026. A proposta, que conta con compromiso de financiamento, contempla a creación dunha rede de transportes intermodal e intelixente, baseada no uso de autobuses lanzadeira e embarcacións eléctricas. O plan busca reducir emisións, mellorar a accesibilidade e reforzar a sustentabilidade turística do territorio, ademáis da construción de intercambiadores e a transformación dos embarcadoiros en puntos de transporte eficiente. A iniciativa busca preservar o valor paisaxístico da Ribeira Sacra, candidata a Patrimonio Mundial pola UNESCO. •
Cargando ...
