O Filandón de Músicas do Caurel celebrou este domingo a súa vixésimo oitava edición na explanada da Ferrería de Seoane, en Folgoso do Courel, cunha nova entrega da Tésera da Hospitalidá. Nesta ocasión, o recoñecemento foi para o director de Turismo de Galicia, Xosé Merelles, pola contribución da institución á valorización do patrimonio material e inmaterial da zona.
O evento, impulsado polo musicólogo Xosé Lois Foxo, mantén vivo o repertorio musical tradicional do Courel a través dun programa con actuacións, exposicións e presentacións. A localización do festival, a Ferrería de Seoane, é unha edificación do século XIX que tivo usos industriais diversos e destaca polo seu valor patrimonial.
A Tésera foi entregada anteriormente a figuras como Amancio Prada ou Xesús Alonso Montero, consolidando o prestixio do galardón.•
Cargando ...
