Chantada organiza unha xornada astronómica para observar as Perseidas

O Concello de Chantada promove para o luns 11 unha xornada centrada nas Perseidas guiada polo astrofísico Borja Tosar. A actividade, de acceso libre, comezará cunha charla ás 20:30 h no Auditorio Municipal e continuará ás 23:30 h cunha observación do ceo no Monte Faro mediante telescopio CPC11. Esta proposta, organizada pola Oficina de Turismo, enmárcase no recoñecemento do municipio como destino Starlight e busca fomentar o interese pola astronomía. O desprazamento nocturno require inscrición previa e recoméndase levar roupa de abrigo, manta ou cadeira e linterna con luz vermella. En caso de meteoroloxía adversa, a observación será reprogramada.•