O Concello da Pobra do Brollón poñerá en marcha a mediados de agosto un servizo extraordinario e gratuíto de recollida de residuos voluminosos polas parroquias. As persoas interesadas deben chamar ao 982 430 001, de luns a venres en horario de 9:00 a 13:00 horas, indicando os datos persoais e o tipo de obxectos.
Os residuos deberán deixarse na rúa o día indicado, sempre separados por tipo, sen mesturar nin gardar en bolsas. Recolleranse mobles, electrodomésticos, colchóns, sanitarios ou televisores, pero exclúense refugallos de obras, plásticos industriais ou residuos orgánicos. O Concello apela á colaboración veciñal para evitar verteduras irregulares. •
Cargando ...
