O Concello de Sober participa este ano na sexta convocatoria da Bandeira Verde de Galicia, un recoñecemento creado polo Instituto de Estudos do Territorio en 2020 para distinguir a implicación das entidades locais e da veciñanza no coidado da contorna e do patrimonio natural. A convocatoria deste 2025 conta con 36 municipios aspirantes, sendo 8 da provincia de Lugo. A concesión das bandeiras terá lugar despois do verán, atendendo ao cumprimento dos criterios de valoración sobre educación ambiental, xestión de residuos, eficiencia enerxética e posta en valor do territorio. Sober, que xa obtivo o distintivo na edición anterior, busca agora revalidalo, podendo utilizar o galardón durante un ano e reforzando a súa candidatura a futuras axudas en materia de patrimonio e sustentabilidade.•
Cargando ...
