José Antonio Sánchez Diéguez, veciño de Castiñeira, en Sabadelle, celebrou o seu 100 aniversario acompañado da visita institucional do alcalde de Chantada, Manuel Lorenzo Varela, e da concelleira de Servizos Sociais, Mª Cándida Carnero. O centenario, que vive só desde o falecemento da súa esposa, mostrouse agradecido polo encontro e recibiu tamén a felicitación da empresa do Servizo de Axuda no Fogar, así como dos sobriños e demais familiares. Durante a visita, explicou que se atopa ben de saúde malia os problemas de vista e que mantén o costume de viaxar a Chantada sempre que pode, confiando no mesmo taxista para os desprazamentos.•
Cargando ...
