É verdade que todo o barrio da Estación xa non é o que algún día foi, que xa cada vez son menos os monfortinos que viven nel, coa desaparición do tren e con el os postos de traballos, foron pechando os ultramarinos, as mercerías, as peixarías, as carnicerías, os bancos, as confeiterías, as fondas, as librerías… Seguen resistindo as lastras da rúa Coruña, que ata o de agora evitaron a propensión ao asfalto do equipo de goberno municipal, tamén o Colexio Ferroviario, aínda que xa apenas hai fillos de ferroviarios ou de gardas civís nas súas aulas. E agora tamén perdemos outro aceno de identidade, eses farois da Plazuela da Estación, cun certo toque Art Decó, atemporais, lembrándonos a algúns o que fomos noutro tempo. Todo cambia, e todo flúe. Nada permanece.
Cargando ...
