E seguindo con Radio Futura, fai moitos, moitos anos, non vou falar de Anabel Lee, senón de que en Monforte, organizouse un pioneiro festival co orixinal nome de Rockforte, e nel participamos, os grupos que había, algúns fantásticos con moi bos músicos (o Pipas, Fran Mediaplaca, Robisco, Rios Torre), outros proxectos incipientes como os Yellow Pixoliñas, que logo tiveron unha boa traxectoria, e logo están aqueles que non merezan ser lembrados, entre eles, La Huella, o grupo no que eu cantaba (tentaba cantar) e tocaba a guitarra (aprendía a tocar), e do que tamén formaban parte Martín ao baixo, o Cego á batería e o Tiji á outra guitarra. E aínda que o tempo pasou, a música segue formando parte das nosas vidas. Por iso puidemos ver ao Tiji, Juan Carlos, co seu grupo os Dinosauros o pasado mes de agosto. Non cabe dúbida de que o nome e o look elixido son adecuados. E de que agora é tan bo músico como aqueles.
Cargando ...
