Quiroga ampliou esta semana a súa oferta de vivenda pública cunha entrega de dúas casas situadas na rúa Tallos, ambas de 82 metros cadrados e equipadas con tres dormitorios, praza de garaxe e rocho. O delegado territorial da Xunta en Lugo, Javier Arias, estivo presente no acto de adxudicación das chaves aos beneficiarios.
Arias explicou que o Instituto Galego da Vivenda e Solo (IGVS) pon en marcha de inmediato o procedemento para ofertar novamente unha vivenda tan pronto como queda vacante, seguindo os listados municipais de demandantes, nos que calquera persoa pode inscribirse a través do Rexistro Único de Demandantes de Vivenda de Galicia, tanto en liña como de forma presencial.
Durante o acto, o delegado tamén lembrou a existencia dunha nova liña de axudas para rehabilitación de vivendas afectadas polos incendios, con contías de ata 150.000 euros para vivenda habitual e 71.400 para segunda residencia, incluíndo mobles e enxoval doméstico. Quiroga dispón dunha das 16 oficinas da comunidade destinadas a asesorar ás persoas interesadas e facilitar a presentación das solicitudes.•
Cargando ...
