O PSdeG-PSOE na provincia de Lugo denunciou esta semana un ataque contra a súa sede, que apareceu o 16 de setembro cunha pintada ofensiva no portal. O escrito, no que se lía “Rojos de mierda”, foi cualificado polos socialistas como un “atentado contra a liberdade política e de expresión”, polo que xa presentaron a correspondente denuncia ante a Policía Nacional.
A secretaria de Organización, Pilar García Porto, advertiu de que estes feitos reproducen mensaxes da extrema dereita e constitúen “unha mostra de violencia democrática”. A dirección provincial subliñou que non é a primeira vez que se producen ataques deste tipo e que a resposta do PSOE será “máis democracia, máis diálogo e máis compromiso coa sociedade”.•
Cargando ...
