A Bodega Finca Millara, situada en A Millara (Pantón) ten previsto acoller a primeira proba de transporte de uva mediante dron na Ribeira Sacra. Durante a xornada, os asistentes poderán comprobar como as uvas seran recollidas directamente nos viñedos e trasladadas ás instalacións da bodega usando drones especialmente adaptados para este tipo de carga. A actividade enmárcase no proxecto Espazo para Servizos Aéreos Comerciais Innovadores (ESCAI), promovido por ESCAI con financiamento de Ineco e apoio de AESA, ENAIRE, DGAC e do Clúster Español de Mobilidade Aérea Innovadora (SIAM).
O obxectivo desta iniciativa consiste en avaliar se a tecnoloxía dron pode mellorar a eficiencia da vendima, sobre todo en parcelas pequenas e con pendentes pronunciadas, típicas da Ribeira Sacra, reducindo o esforzo físico necesario no transporte tradicional da uva. Na demostración realízanse diferentes probas de recollida e traslado, permitindo coñecer aspectos técnicos como a capacidade de carga, autonomía e protocolos de seguridade dos drones.
Ata agora, en España, a utilización de drones na viticultura limitábase principalmente ao control sanitario e á monitorización do crecemento das viñas. Esta proba representa un paso adiante na busca de novas solucións tecnolóxicas para o sector , co potencial de optimizar os tempos e recursos na vendima.•
Cargando ...
