A conselleira de Política Social e Igualdade, Fabiola García, acompañada do alcalde de Pantón, José Luis Álvarez, visitou as obras do que será o primeiro centro residencial de maiores deste concello, proxecto impulsado pola Fundación San Rosendo. O edificio, de catro andares, contará con dúas unidades de convivencia con 18 usuarios cada unha, sumando un total de 36 prazas de atención e coidado.
A posta en marcha do centro permitirá crear 25 postos de traballo destinados ao funcionamento da residencia e ao coidado dos maiores. Durante a visita, García resaltou a colaboración entre a Xunta e a fundación para dotar aos concellos rurais de servizos específicos para persoas maiores e facilitar que estas poidan elixir onde vivir esta etapa da súa vida. •
Cargando ...
