O Concello de Sober abriu a convocatoria das axudas destinadas a estudantes de diferentes niveis educativos, cun orzamento total de 15.000 euros, 2.500 máis ca no exercicio anterior. No curso pasado preto dun cento de escolares e universitarios recibiron estas achegas. As bases contemplan unha contía máxima de 100 euros para alumnado de Infantil (2º ciclo) e Primaria do CEIP Virxe do Carme, 125 euros para estudantes de Secundaria, Bacharelato ou Formación Profesional, e ata 250 euros no caso de universitarios. As axudas tramítanse en réxime de concorrencia non competitiva e poderán ampliarse en función da demanda e da dispoñibilidade orzamentaria. As solicitudes poden presentarse ata o 15 de outubro nos Servizos Sociais municipais ou a través da sede electrónica.•
Cargando ...
