A Xunta concedeu este ano 102.000 euros a once colectivos veciñais das comarcas de Chantada, Quiroga e Terra de Lemos. En Sober, a asociación de veciños de San Pedro de Canabal resultou beneficiaria deste programa, que busca fortalecer a vida comunitaria e mellorar os espazos de encontro nas parroquias rurais.
O plan establece axudas de ata 12.000 euros para obras e de 5.000 para adquisición de material, dirixidas a asociacións veciñais, de mulleres rurais e comunidades de usuarios de augas. O delegado territorial da Xunta en Lugo, Javier Arias, destacou que estas actuacións permiten ofrecer “locais confortables e dotados” para impulsar a convivencia e a participación cidadá.•
Cargando ...
