A Consellería do Medio Rural comunicou que o incendio forestal declarado na parroquia de Cangas, no concello de Pantón, quedou extinguido ás 17.40 do domingo. O lume iniciouse de madrugada e afectou unhas 31 hectáreas, das que 20 eran monte arborado e 11 raso. Para a súa extinción mobilizáronse cinco axentes, oito brigadas, cinco motobombas e un pa. Desde a Consellería recordan que o teléfono gratuíto 085 está dispoñible para avisar de lumes, e o 900 815 085 permite denunciar actividades incendiarias de forma anónima. A información sobre incendios maiores de 20 hectáreas pode consultarse en @incendios085 en X.•
Cargando ...
