A cita, promovida pola Consellería de Emprego, celebrarase os días 27 e 28 de novembro no Parador de Santo Estevo de Ribas de Sil e servirá para conectar iniciativas locais con referentes internacionais
O Mosteiro de Santo Estevo de Ribas de Sil acollerá os días 27 e 28 de novembro o encontro Ultreia Galicia, emprendemento ligado ao territorio, impulsado pola Consellería de Emprego, Comercio e Emigración. A cita reunirá arredor de 60 referentes nacionais e internacionais, 30 empresas tractoras e 150 participantes co obxectivo de fortalecer a conexión entre o talento emprendedor galego e o ecosistema global, favorecendo novas sinerxías e proxectos de cooperación.
O foro insírese no recoñecemento de Galicia como Rexión Emprendedora Europea 2025, e pretende amosar como a innovación pode nacer do ámbito local e rural e proxectarse internacionalmente.
Durante as dúas xornadas do encontro, abordaranse tres eixos principais —sector primario, recursos naturais e comercio-turismo—, con presentacións, mesas redondas e espazos para o intercambio de ideas e experiencias. A inscrición é gratuíta e pode realizarse en www.ultreiagalicia.com.•
Cargando ...
